Brazili ka marrë një kthesë ideologjike të majtë, pasi ish-presidenti, Luiz Inácio Lula da Silva, mundi në zgjedhjet presidenciale, presidentin aktual të ekstremit të djathtë, Jair Bolsonaro.
Lula fitoi 50.9% të votave, pas një fushate përçarëse nga dy rivalë të anëve të kundërta të spektrit politik, të cilët shkuan kokë më kokë në këto zgjedhje.
Kjo për qindje ishte e mjaftueshme për ta mposhtur Jair Bolsonaro-n, mbështetësit e të cilit, kishin qenë të sigurt për fitoren.
Por, përçarja që kanë nxjerrë në pah këto zgjedhje, nuk ka gjasa të zhduket.
Është një rikthim mahnitës për një politikan që nuk mundi të kandidonte në zgjedhjet e fundit presidenciale në 2018, sepse ishte në burg dhe i ndalohej të kandidonte për postin.
Ai ishte shpallur fajtor për marrjen e ryshfetit nga një firmë ndërtimi braziliane, në këmbim të kontratave me kompaninë shtetërore të naftës braziliane Petrobras.
Lula kaloi 580 ditë në burg para se t’i anulohej dënimi dhe t’i rikthehej përplasjes politike.
“Ata u përpoqën të më varrosnin të gjallë dhe ja ku jam,” tha ai, duke nisur fjalimin e tij të fitores.