Të drejtën e votës sot do ta ushtrojnë personat e sëmurë dhe të pafuqishëm, si dhe të burgosurit në burgjet e Maqedonisë së Veriut.
Komisioni Shtetëror i Zgjedhjeve (KSHZ) njoftoi se për zgjedhjet presidenciale do të votojnë 11.123 persona të sëmurë dhe të paaftë, ndërsa për zgjedhjet parlamentare numri është më i madh për 102 votues ose 11.225 të sëmurë dhe të pafuqishëm.
Të drejtën e votës, përveç të sëmurëve dhe të burgosurve, sot do ta ushtrojnë edhe qytetarët e regjistruar të Maqedonisë nga diaspora, por vetëm për zgjedhjet presidenciale. Votimi për zgjedhjet parlamentare në diasporë nuk do të bëhet për shkak të numrit të pamjaftueshëm të kandidatëve të regjistruar.
Në këto zgjedhje parlamentare u dorëzuan 17 lista kandidatësh, për zgjedhjet parlamentare, 16 nga partitë dhe koalicionet politike dhe një nga një grup zgjedhësish. Në zgjedhje marrin pjesë 61 parti. Prej tyre, 11 në mënyrë të pavarur dhe 50 në pesë koalicione./Alsat.m