Ka nisur seanca konstituive e Kuvendit të Kosovës. Fillimisht është bërë e ditur emrat e anëtarëve të Komisionit të përkohshëm për verifikimin e kuorumit dhe të mandateve të deputetëve.
Propozimet e emrave si të kryesuesit ashtu edhe antarëve të Komisionit janë bërë nga shefat e ri të Grupeve Parlamentare. Dhe me konfirmimin e votimit të deputetëve, propozimet janë pranuar nga prezenca e 119 deputetëv
“Në sallë janë 119 deputet që e konfirmon vazhdimin e seances. Artan Abrashi nga LVV-ja Perparim Gruda – PDK Armend Zemaj – LDK Branislav Nikoliq – Lista Serbe Time Kadriaj – AAK-Nisma Anetaret e komisionit te perkohshem per verefikimin e forumit te mandateve”, bëri të ditur, Avni Dehari nga LVV, si kryesues i Kuvendit.
Sipas rregullores së punës së Kuvendit, punimet e seancës konstituive, deri në zgjedhjen e Kryetarit të Kuvendit, i drejton deputeti më i vjetër në moshë, i ndihmuar nga deputeti më i ri në moshë, që në këtë rast janë deputeti i Vetëvendosjes, Avni Dehari dhe deputetja e PDK-së, Sala Jashari.
Në pikën e tretë të rendit të ditës është paraparë të bëhet zgjedhja e Kryetarit të Kuvendit, pozitë kjo e cila i takon partisë që ka numrin më të madh të deputetëve, por që deri tash Vetëvendosje nuk e ka nominuar askënd për të parin e legjislativit të Kosovës.
Si pikë e fundit e rendit të ditës është edhe zgjedhja e nënkryetarëve të Kuvendit, të cilët së bashku me kryetarin e përbëjnë Kryesinë e Kuvendit.
Kryetari i Kuvendit dhe përfaqësuesit e subjekteve politike, në mbledhjen e fundit u dakorduan që konform Rregullores dhe praktikave të mëhershme, subjekti me numrin më të madh të deputetëve, përkatësisht Lëvizja Vetëvendosje, të ulet në ulëset e mesit të sallës plenare.
Në anën e djathtë të sallës, nga perspektiva e kryesuesit të seancës, do të ulet subjekti i dytë me radhë, Partia Demokratike e Kosovës, ndërsa në anën e majtë Lidhja Demokratike e Kosovës.
Në ulëset e tjera do të ulen deputetët e Aleancës për Ardhmërinë e Kosovës, deputetët nga radhët e komunitetit serb dhe komuniteteve të tjera joserbe.