Zgjidhet kryesuesi i ri i Kuvendit Komunal të Prishtinës

Pëllumb Bajqinovci i Lidhjes Demokratike të Kosovës (LDK) është zgjedhur kryesues i ri i Kuvendit në Prishtinë, gjatë një mbledhje të jashtëzakonshme që u mbajt këtë të premte

Pëllumb Bajqinovci./ Foto Facebook.

Pushteti në Prishtinë, LDK-PDK, zgjodhi kryesuesin e ri pas shkarkimit të Fehmi Kupinës javë më parë, vendim që është hedhur poshtë nga Ministria e Administrimit të Pushtetit Lokal.

Kryesuesi i Kuvendit Komunal të Prishtinës është zgjedhur Pëllumb Bajqinovci nga radhët e Lidhjes Demokratike të Kosovës (LDK). Bajqinovci u zgjodh me 26 vota pro.

Sipas opozitës në kryeqytet, Kupina vazhdon të jetë kryesues dhe se pushteti po vepron kundërligjshëm.

Në mbledhjen e pestë të Kuvendit Komunal është votuar për shkarkim të Kupinës, por ai paraprakisht e kishte mbyllur seancën me arsyen se nuk kishte kushte për punë.

Një ditë më parë, Kupina u kishte dërguar shkresë asamblistëve duke ua rikujtuar Rregulloren, duke nënvizuar nenin që shpjegon se nuk mund të zgjidhet një kryetar i ri përderisa ekziston aktuali.

Kupina ishte zgjedhur në fillim të mandatit me votat e asamblistëve të subjekteve politike që e bëjnë pushtetin lokal aktual në Prishtinë. Muajin e shkuar, ai dha dorëheqjen nga LDK-ja dhe bashkoi votat me opozitën për t’i shkarkuar aksionarët e ndërmarrjeve publike.

Shija e redaktorit

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Tre oficerë të FSK-së diplomojnë në Kolegjin CGSC të ushtrisë...

Oficerët e Forcës së Sigurisë së Kosovës(FSK), majorët Alban Bunjaku, Agron Murati dhe Alban Bujupi, pas studimeve njëvjeçare, diplomuan me sukses të lartë në...

Peja dhe Ulqini nënshkruajnë marrëveshjen e binjakëzimit si qytete

Kryetari i Pejës, Gazmend Muhaxheri ka pasur një mysafir të veçantë në zyrën e tij të shtunën. Ai priti me nderime kryetarin e Ulqinit, Genc...

Të fundit nga rubrika