Gjatë kësaj mbrëmjeje, një zonë malore në fshatin Gërlicë e Epërme në komunën e Kaçanikut, është përfshirë nga zjarri.
Lajmin për Dukagjinin e ka konfirmuar zëdhënësi i Policisë së Kosovës për rajonin e Ferizajt, Kanun Veseli.
“Me datën 06.04.2024 rreth orës 19:35 kemi pranuar një informacion se në fshatin Gërlicë e Epërme , tek lagjja “Prushaj” në Kaçanik, një zonë malore është përfshirë nga zjarri”, ka thënë Veseli.
Ai ka thënë se brigada e zjarrfikësve të Kaçanikut menjëherë ka dalë në vendin e ngjarjes.
“Janë njoftuar brigada e zjarrfikësve të Kaçanikut, të cilët menjëherë kanë dalë në vendin e ngjarjes në përpjekje për ta shuar zjarrin, ndërsa edhe ekipe të policisë janë atje”, ka thënë zëdhënësi i Policisë së Kosovës për rajonin e Ferizajt.