Shërbimi i Shtypit të Algjerisë thotë se nga zjarret e përhapura në zonat malore në lindje të Algjerisë kanë vdekur të paktën 37 persona dhe disa janë plagosur.
Ministri i Brendshëm algjerian, Kamal Beldjoudarly ka thënë se 24 persona kanë humbur jetën në zjarret në zonën malore ‘El Tarf’, pranë kufirit me Tunizinë, dhe dy të tjerë më herët në ‘Setif’.
Zjarrfikësit dhe helikopterët po përpiqen të frenojnë një sërë zjarresh në lindje të vendit.
Ministri algjerian shtoi se afro 2 mijë e 600 hektarë u shkatërruan si rezultat i zjarreve, së bashku me afro 1 mijë e 800 hektarë furçë dhe rreth 800 hektarë mbulesë pyjore në ‘El Tarf’, ‘Setif’, ‘Souk Ahras’, ‘Jijel’, ‘Skikda’ dhe ‘Tipasa’. Ai tha se shteti ka vendosur kamionë zjarrfikës, helikopterë të Forcave Ajrore dhe aftësi të tjera për të shuar zjarret.
Sipas Njësisë së Mbrojtjes Civile në Algjeri, gjatë 24 orëve të fundit, gjithsej, 118 zjarre pyjore janë regjistruar në vend. Njësia e Mbrojtjes Civile tha se 1 mijë e 700 oficerë të mbrojtjes civile dhe 280 kamionë janë vendosur në përpjekje për të kontrolluar zjarret, raporton CNN.
Kryeministri algjerian, Ayman bin Abd al-Rahman tha se të gjithë ata që janë prekur nga zjarret e fundit do të kompensohen. Pjesa më e madhe e hemisferës veriore është duke luftuar me nxehtësinë ekstreme dhe reshjet nën mesatare duke rritur rrezikun e zjarreve.
Algjeria është ballafaqur me situatën e njëjtë edhe në vitin e kaluar, të paktën 65 u vranë nga zjarret në rajonin malor të Algjerisë.