Një zjarr ka përfshirë pasditen e së mërkurës objektin e Shkollës së Mesme Teknike “Skënder Luarasi” në Suharekë.

Sipas pamjeve të siguruara nga KALLXO.com, flakët dhe tymi po dalin nga kulmi i objektit, ndërsa mësohet se zjarri ka përfshirë sallën e sportit, e cila ndodhet ngjitur me ndërtesën kryesore të shkollës.

Në vendin e ngjarjes kanë dalë njësitet e zjarrfikësve, të cilët janë duke ndërhyrë për të lokalizuar dhe shuar zjarrin.

Deri më tani nuk raportohet për persona të lënduar.