Nënkryetari i Prishtinës, Alban Zogaj, ka njoftuar se nesër, më 15.04.2024, do të fillojnë punimet për lidhjen e Urës së Madhe me rrugën që dërgon deri te rrethi i lagjes ‘Arbëria’.
Zogaj përmes një postimi në rrjetin social “Facebook” ka thënë se kjo lidhje do të lirojë trafikun në këtë zonë të qytetit.
“Nesër fillojmë punën në një projekt fantastik për Prishtinën! Lidhja e Urës së Madhe me rrugën që dërgon deri tek rrethi i Lagjes ‘Arbëria’! Kjo lidhje e re do të mundësoj qarkullim alternativ për veturat dhe do të liroj trafikun në këtë zonë të qytetit”, ka shkruar Zogaj.