Zyra e Rregullatorit të Energjisë Elektrike në ditët në vazhdim do zbatojë vendimin e Kushtetueses, që vërtetoi si të ligjshme vendimet e shkallëve tjera, që kërkojnë kompensim të qytetarëve që paguan faturat për rrymën e shpenzuar në veri.
Këtë e ka bërë të ditur kryetari i bordit të ZRrE-së, Ymer Fejzullahu, i cili ka thënë se në ditët në vazhdim do të zbatohet ky vendim por që janë duke shikuar mënyrat e implementimit të tij.
“Ne e kemi marrë atë vendim nga gjykata dhe ai vendim është detyrues për ZRRE-në. Jemi duke shqyrtuar dhe do ta implementojmë, mirëpo jemi duke shikuar mënyrat. Në ditët në vazhdim ne do e zbatojmë dhe do t’iu njoftojmë për mënyrën e zbatimit të këtyre mjeteve”, ka thënë Fejzullahu.