Zyra e BE-së dhe Ambasada Gjermane në Kosovë shfaqin një dokumentar në nder të përvjetorit të luftës në Ukrainë

“A House Made of Splinters” është titulli i dokumentarit që do të shfaqet në Kino Armata në Prishtinë, në nder të përvjetorit të luftës në Ukrainë, aktivitet ky i organizuar nga Zyra e BE-së dhe Ambasada Gjermane në Kosovë

Zyra e Bashkimit Evropian (BE) në Kosovë dhe Ambasada Gjermane në përvjetorin e luftës në Ukrainë do të organizojnë një aktivitet në Kino Armata në Prishtinë, ku do të shfaqin dokumentarin e vitit 2022, “A House Made of Splinters”, ku portretizohen fëmijët e prekur nga agresioni rus.

Në këtë event do të marrin pjesë ambasadori i Republikës Federale të Gjermanisë, Jörn Rohde, ambasadori i Bashkimit Evropian në Kosovë, Tomas Szunyog, zëvendëskryeministrja dhe ministrja e Punëve të Jashtme dhe Diasporës, Donika Gervalla-Schwarz, dhe gazetarë ukrainas pjesëmarrës në programin “Gazetarët në Rezidencë Kosova”.

Ndryshe, më 24 shkurt të vitit 2022, Rusia filloi pushtimin e Ukrainës.

“A House Made of Splinters”, është dokumentar që portretizon fëmijët që jetojnë në një shtëpi të përkohshme grupore të vendosur në Lysychansk.

Fati i tyre është vetëm një pjesë e një tregimi edhe më të gjatë për luftën, me fëmijët që përballen me neglizhencën, si pasojë e humbjes së anëtarëve të familjes, ose alkoolizmit dhe sëmundjeve mendore të prindërve të tyre.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika