Të martën, Komiteti Ekzekutiv i Federatës së Futbollit të Kosovës ka vendosur që në krye të shtabit teknik të Kombëtares të emërohet Primozh Gliha.
Ndihmësit e tij do të jenë Afrim Tovërlani, Arbnor Morina, Ahmet Beselica dhe Thomas Richards.
“KE i FFK-së ka vendosur që t’ia besojë drejtimin e Dardanëve ekipit të brendshëm të trajnerëve që tashmë janë të angazhuar në ekipet kombëtare.”
“Ata njëherësh do të qëndrojnë në ekipet e grupmoshave që i drejtojnë, por do të jenë të angazhuar për të ndihmuar përzgjedhësin Gliha në Kombëtaren A,” ka njoftuar FFK.
Kujtojmë se para disa javësh nga posti i selektorit të ‘Dardanëve’ ishte shkarkuar Alain Giresse.
Giresse ishta larguar pas rezultateve të dobëta në ndeshjet e para të ciklit kualifikues për ‘Euro 2024’.