Real Madridi dhe Chelsea kanë arritur marrëveshje për huazimin e Kepa Arrizabalaga.

Këtë e ka bërë të ditur vetë Real Madridi përmes një komunikate zyrtare ku thuhet se Kepa do të jetë pjesë e mbretërve deri në fund të këtij sezoni.

“Real Madrid CF dhe Chelsea FC kanë rënë dakord për huazimin e lojtarit Kepa Arrizabalaga, i cili është i lidhur me klubin këtë sezon, deri më 30 qershor 2024”, thuhet në komunikatën e Real Madridit.

Madrilenët njoftuan se ceremonia e prezantimit të Kepas do të bëhet të martën me fillim nga ora 13:30.

Kujtojmë se portieri kryesor i Real Madridit, Thibaout Courtois, u largua i lënduar nga stërvitjet, pasi ka këputur ligamentet e gjurit dhe do të mbetet larg fushave për së paku gjashtë muaj.

Një lajm i keq për madrilenët është edhe lëndimi i Eder Militaos, i cili u largua i lënduar nga ndeshja kundër Atletico Madridit dhe do të mbetet jashtë fushave për së paku gjashtë muaj, për të njëjtën arsye sikurse Courtois.

Real Madridi gjen zëvendësimin e Courtois