Presidentja e Republikës së Kosovës, Vjosa Osmani ka pritur në takim Zëvendësndihmës Sekretarin e Mbrojtjes të Shteteve të Bashkuara të Amerikës, David A. Baker.
Takimi, siç raporton EO, nisi në orën 15:00 dhe siç u paralajmërua, i njëjti ishte i mbyllur për media.
Pas takimit me Osmanin, zyrtari Baker do të zhvillojë një takim tjetër në orën 16:00 me Ministrin e Mbrojtjes, Ejup Maqedonci.
Paraprakisht, ai vizitoi bazën e KFOR-it në Kosovë ku Baker riafirmoi angazhimin e palëkundur të SHBA-së ndaj misionit të KFOR-it në Kosovë, duke theksuar mbështetjen e vazhdueshme për sigurinë dhe stabilitetin rajonal.