Kati Schneeberger, zyrtare e Bashkimit Evropian(BE), më 27 maj ka nisur një peticion online për liberalizimin e vizave për Kosovën.

Këshilltarja lokale e BE-së, të hënë, përmes një postimi në Twitter, ka njoftuar se në këtë peticion janë mbledhur shtatë mijë e 500 nënshkrime, shifër kjo për të cilën ajo dje kishte bërë thirrje të arrihet.

Thanks for 7.500 signatures. Let's reach 10.000. https://t.co/vMpwTYAUJl

— Kati Schneeberger 🇪🇺 (@KatiSchneeberg1) May 30, 2022

Schneeberger, tash, ka bërë thirrje që nënshkrimet në këtë peticion të arrijnë në dhjetë mijë.

“Qytetarët e Kosovës nuk duhet të jenë më të izoluar. Prandaj bëjmë thirrje për një vendim për liberalizimin e vizave për Kosovën në samitin e ardhshëm të BE-së në qershor 2022. Ky trajtimi i pabarabartë duhet të marrë fund”, thuhet mes tjerash në peticionin e nisur nga zyrtarja e BE-së.

Këtë iniciativë e ka përkrahur edhe ish-raportuesja për Kosovën në Parlamentin Evropian, Ulrike Lunaçek.

Lunaçek, e ka quajtur iniciativë të rëndësishme nismën e Schneerberger.

Zyrtarja e BE-së: Janë mbledhur pesë mijë nënshkrime në peticionin për liberalizim të vizave