Një zyrtare i demokratëve suedezë është suspenduar nga partia e ekstremit të djathtë për komentet degraduese për viktimën hebreje të Holokaustit të njohur për ditarin e saj, Ana Frank.
Në një postim në Instagram që tashmë është fshirë, Rebecka Fallenkvist e ka quajtur Frankun “imorale”, ndër të tjera sipas mediave suedeze.
Frank, e cila shkroi ditarin e saj ndërsa fshihej në Amsterdam para se të kapej, vdiq në moshën 15-vjeçare në kampin e vdekjes Bergen-Belsen të Gjermanisë naziste në shkurt të vitit 1945.
Postimi nga Fallenkvist ka shkaktuar reagime të forta nga grupet hebreje dhe ambasadori izraelit në Suedi, Ziv Nevo Kulman.
“E dënoj fuqishëm këtë fyerje të neveritshme, mosrespektim të kujtimit të Ana Frankut”, ka shkruar ai në Twitter.
Partia Demokratët e Suedisë është themeluar në vitet 1980 nga njerëz që kishin qenë aktivë në grupet ekstremiste të krahut të djathtë, duke përfshirë neo-nazistët, raporton euronews.
Partia doli si partia e dytë më e madhe e Suedisë në zgjedhjet e 11 shtatorit nën udhëheqjen e Jimmie Akesson.
Ndërkaq të premten e 14 tetorit tri parti suedeze të qendrës së djathtë kanë rënë dakord të formojnë një qeveri koalicioni me mbështetjen e demokratëve suedezë që ka lëvizur drejt politikës kryesore, por ruan një linjë të ashpër për imigracionin.