Zyrtarja e Pentagonit: Absurde krahasimi mes sulmit rus në Ukrainë dhe intervenimit të NATO-s në Kosovë

Zëvendës Ndihmës Sekretarja amerikane e Mbrojtjes për Rusinë, Ukrainën dhe Eurazinë, Laura Cooper, ka hedhur poshtë çdo paralelizëm që bëhet nga Moska në mes të sulmit të Rusisë mbi Ukrainën dhe intervenimit të Aleancës Veriatlantike (NATO), në Kosovë.

Ajo në një intervistë për për Zërin e Amerikës, ka theksuar se, nuk ka asnjë të përbashkët në mes të këtyre dy situatave.

“Nuk ka absolutisht asnjë ngjashmëri mes këtyre situatave. Ajo që shohim sot është një fuqi e madhe, që ka zgjedhur të sulmojë një qeveri të zgjedhur në mënyrë demokratike pa asnjë provokim, dhe po kërkon të pushtojë pjesë të konsiderueshme të atij vendi duke bombarduar popullsinë civile, dhe duke penguar dhënien e ndihmës humanitare”, ka thënë Cooper.

Zëvendës Ndihmës Sekretarja amerikane e Mbrojtjes për Rusinë, Ukrainën dhe Eurazinë, Laura Cooper

Cooper teksa ka ripërsëritur qëndrimin e Shteteve të Bashkuara të Amerikës në raport me Ballkanin Perëndimor, ka potencuar se, SHBA-të gjithmonë i kushtojnë vëmendje Ballkanit.

“Pa dyshim ka një histori të përpjekjeve të Rusisë për të ndërhyrë në rajon, duke u përpjekur të nxisë tensione. Dhe mendoj se ne po shohim që vazhdon edhe sot e kësaj dite. Jam vërtet e kënaqur jo vetëm nga niveli i vëmendjes së Shteteve të Bashkuara ndaj rajonit, por edhe se mendoj se edhe partnerët tanë të BE-së janë investuar shumë në sigurimin e stabilitetit”, ka shtuar ajo.

Për Cooper, ndonëse SHBA-të janë të hapura për bashkëpunim ushtarak me Serbinë, e njëjta, “zhgënjehet” kur Serbia nuk e bën të njëjtën zgjedhje.

“Nuk është në interesin e Serbisë të bashkëpunojë me një ushtri që masakron një popullatë, një ushtri që bombardon civilët. Sinqerisht, nuk është në interesin e Serbisë të ketë partneritet me një ushtri që po vuan pasoja kaq të qarta në fushën e betejës, me një moral kaq të ulët, një ushtri ku udhëheqësit nuk u besojnë ushtarëve të tyre”, është shprehur ajo.

Në anën tjetër, sipas Cooper, Rusia vazhdimisht bën përpjekje që të provokojë ndarje midis aleatëve të NATO-s, duke përfshirë edhe Ballkanin.

Sa i përket sanksioneve të vëna kundër Rusisë, për shkak të agresionit në Ukrainë, Cooper ka thënë se, efekti i tyre veçse ka filluar të ndjehet.

Ilustrim-Sanksionet ndaj Rusisë

“Ndërsa publiku rus dhe oligarkët që rrethojnë Putinin, janë vënë në shënjestër të sanksioneve, fillojnë të ndjejnë trysninë e tyre, ata do ta drejtojnë këtë trysni ndaj regjimit”, ka thënë ajo.

Vendet e rajonit, Kosova, Mali i Zi, Shqipëria, Maqedonia e Veriut dhe Kroacia e kanë dënuar sulmin rus ndaj Ukrainës.

Kosova i është bashkuar Shteteve të Bashkuara dhe Bashkimit Evropian, duke vendosur sanksione ndaj Rusisë.

Ndërkaq, Serbia dhe Bosnja e Hercegovina janë të vetmet vende që nuk e kanë dënuar agresionin rus.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Milan Radojçiq: Jam kthyer në Kosovë dhe ju e dini...

Nënkryetari i Listës Serbe, Milan Radojçiq, ka sfiduar shtetin e Kosovës, duke e postuar një video nga pjesa veriore e Republikës së Kosovës. Radojçiq, ka...

Përplasen Mushkolaj dhe Ramiz Shala për rastin “Lushtaku”

Ramiz Shala, ish-drejtor për Gjeodezi në Komunën e Skënderajt, ka thënë se për rastin "Lushtaku", është bërë shumë zhurmë në media. I ftuar në emisionin...

Të fundit nga rubrika