Fjala e popullit thotë se shtëpitë e shenjta mbrohen nga Zoti, por Teqen e madhe në Gjakovë e ka goditur një fatkeqësi.
Ky vend një ditë më parë, ka qenë cak i grabitjes, ku po dyshohet të jenë avulluar një shumë marramendëse e parave.
Se paratë kanë qenë brenda shtëpisë së Shehut, e ka kofnirmuar vetë ky i fundit, në deklaratën e tij dhënë policisë.
Përderisa gjatë së martës nga Teqja nuk ka pranuar të flasin para kamerës, për mosndikueshmëri në hetime, megjithatë në reagimin e tyre me shkrim kanë bërë të ditur se 200 mijë eurot ishin të kursyera tash e disa vite, e që ishin të destinuara për ndërtimin e Teqes së madhe në Prizren.
Nga Policia e Kosovës kanë thënë se me të marrë raportimin, kanë dalë në vendin e ngjarjes dhe tashmë po vazhdojnë hetimet.
Ndërkohë nga Prokuroria e Gjakovës nuk kanë mohuar e as pohuar nëse ka ndonjë të dyshuar vecse tregojnë se vepra, është vlerësuar vjedhje e rëndë.
“Lidhur me këtë çështje është inicuar rasti në polici e që ndërlidhet me kryerjen e veprës penale Vjedhja e Rëndë nga neni 315 të KPRK-së. Prokurori i Shtetit së bashku me Policinë e Kosovës janë duke i ndermarr të gjitha veprimet e duhura hetimore me qëllim të identifikimit të dyshuarit apo të dyshuarve, ashtu që veprimet hetimore për këtë rast janë duke vazhduar në bashkëpunim me policinë”.
Ndërkohë një pjesë e qytetarëve në Gjakovë e kanë dënuar rastin, duke ftuar organet e rendit për veprim.
“Unë e kam pa në rrjete sociale, më ka ardhë keq, se megjithatë ajo është shtëpi e zotit, hetimet duhet me vazhdu edhe me kap sa më parë atë që e ka bërë atë vepër”.
“Shumë keq qenka, me hi aty, ajo është xhami e përgjithshme, me bo mirë”.
Ka edhe të tjerë qytetarë që nuk duan të ponocohen para kamerës megjithatë mendojnë se shumë e tillë e parash duhej të ruhej në bankë, teksa ka edhe të tjerë që besojnë se është inskenim.
Prapa kamerës punonjës të Teqës i kanë thënë televizionit se Teqja dhe shtëpia rrethohet me kamera, kështu që presin zhvillime gjatë ditës.