Kreu i Partisë Demokratike të Kosovës [PDK], Memli Krasniqi, është deklaruar rreth propozimit të tyre për datën e mundshme të zgjedhjeve.
Krasniqi, përmes një postimi në rrjetin social “Facebook”, u shpreh se 26 janari i vitit 2025 do të jetë si datë optimale për mbajtjen e zgjedhjeve të rregullta në vendin tonë.
“Sot, në takim me presidenten e Kosovës, Vjosa Osmani dhe kryetarët e partive tjera parlamentare në Kosovë, kam propozuar 26 janarin e vitit 2025 si datën optimale kur duhet të mbahen zgjedhjet e rregullta nacionale në vendin tonë. Partia Demokratike e Kosovës, duke parë keqqeverisjen e deritanishme, ka kërkuar disa herë zgjedhje të parakohshme.
Meqë zgjedhjet e parakohshme nuk ndodhën, për zgjedhjet e rregullta nuk ka nevojë të ketë shtyrje të pajustifikueshme – prandaj data e parë e vlefshme duhet të jetë data kur ne duhet të shkojmë zgjedhje”, vijon postimi.
Kryetari i Aleancës për Ardhmërinë e Kosovës, Ramush Haradinaj, ka thënë se e ka propozuar 26 janarin si datë të zgjedhjeve, propozim i cili thotë se u mbështet edhe nga partitë e tjera opozitare.
Nga takimi që është mbajtur me presidenten Vjosa Osmani, Haradinaj ka thënë se kjo është data e parë në përputhje me afatet ligjore, ndërsa sipas tij të njëjtin qëndrim e shprehën edhe partitë tjera opozitare.
Ndryshe, të mërkurën presidentja Vjosa Osmani ftoi në takim liderët e partive politike për të konsultuar datën e zgjedhjeve të rregullta – e cila pas takimit ka thënë se data do të vendoset kah mesi i gushtit.
Osmani përmend katër data që mund të mbahen zgjedhjet e rregullta