Deputetja e Partisë Demokratike të Kosovës, Blerta Deliu, ka thënë se ka një përkeqësim të situatës politike në Kosovë, teksa përmend edhe ato të “aferave korruptive” dhe sulmet ndaj gazetarëve.
Pas mbledhjes së kryesisë së Kuvendit të Kosovës, Deliu ka njoftuar për mbarëvajtjen e seancës plenare, e cila do të mbahet këtë të enjte.
Raporti i Departamentit amerikan të Shtetit pritet të jetë tema kryesore e kësaj seance.
Këtë raport dhe atë të FreedomHouse, Deliu i ka quajtur si dy raporte ndërkombëtare të cilat sipas saj e kanë goditur shtetin e Kosovës.
“Janë 2 raporte ndërkombëtare kredibile që e kanë goditur Kosovën të cilat flasin për një qeveri të korruptuar… Kemi një përkeqësim të situatës politike në Kosovë, kemi një përkeqësim të situatës me afera korruptive në Kosovë dhe veçanërisht me sulmet e njëpasnjëshme që i kemi pasur në rritje të qeverisë ndaj gazetarëve”, tha Deliu.