AAK në mbështetje të “Marshit për Drejtësi”

Aleanca për Ardhmërinë e Kosovës ka shprehur gatishmërinë për ta mbështetur marshin për drejtësi që organizohet këtë të diel

Kryetari i Aleancës për Ardhmërinë e Kosovës, Ramush Haradinaj

Aleanca për Ardhmërinë e Kosovës ka njoftuar se do ta mbështesë marshin për drejtësi që organizohet këtë të diel.

Më dy prill do të marshohet në mbështetje të ish-krerëve të UÇK-së një ditë para se të nisë gjykimi i tyre në Gjykatën Speciale.

“Ne gjithmonë kemi besuar në pafajësinë e pjesëtarëve të UÇK-së dhe në vlerat e lirisë dhe e kemi mbështetur drejtësinë ndërkombëtare me qëllim të pastrimit të luftës së drejtë të popullit shqiptar për liri”, thuhet në njoftimin e AAK-së.

Sipas tyre, “të marshosh për drejtësi, është e drejtë dhe vlerë demokratike dhe ne gjithmonë do jemi në shërbim të vlerave dhe të drejtësisë”.

Ndryshe, Ismail Tasholli, ideatori i platformës “Liria ka emër”, ka njoftuar se deri më sot mbi 20 organizata të ndryshme e kanë konfirmuar mbështetjen dhe pjesëmarrjen në marshin e datës 2 prill.

“Për nga thirrjet deri në ditën e sotme janë diku mbi 20 organizata që e kanë konfirmuar pjesëmarrjen dhe përkrahjen. Nuk mund të spekulojmë, por si duket do të jetë një marsh masiv që do të kërkojë drejtësinë dhe do të të provojë të japë edhe një përkrahje morale… Nga trendi, nga ajo që po na thuhet parashikojmë të jetë një marsh dinjitoz”, ka thënë Tasholli.

Ideatori i platformës “Liria ka emër” ka thënë tutje se është e rëndësishme të ketë drejtësi, pasi sipas tij, interpretimi i padrejtë i së kaluarës ka ndikim edhe në të ardhmen e vendit.

Molliqaj: Më dy prill ‘Marshojmë për drejtësi’ kundër qasjeve anakronike që gjykojnë përpjekjen për liri

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika