Abdixhiku: Kurti të kërkojë falje për deklaratën për Ivanoviqin

Lumir Abdixhiku, kryetar i Lidhjes Demokratike të Kosovës(LDK)

Kryetari i Lidhjes Demokratike të Kosovës (LDK), Lumir Abdixhiku, në seancën e së enjtes në Kuvendin e Kosovës, ka kërkuar shkarkimin e ambasadorit të Kosovës në Kroaci, Martin Berishaj, i cili është i dyshuar për përfshirje në një aferë korruptive në Slloveni.

Ndër të tjera, ai ka thënë se duhet të ketë kërkim falje për deklaratën e kryeministrit të Kosovës, Albin Kurti, në lidhje me politikanin serb, Oliver Ivanoviq, në përvjetorin e pestë të vdekjes së tij.

“Sot, në këtë kuvend, i kam dy kërkesa. Shkarkim të parin dhe mbajtje të përgjegjësisë për secilin të ndërlidhur me të. Kërkim falje për lartësimin e një krimineli të luftës nga kryeministri i Kosovës. Kosova meriton më mirë, Kosova mundet më shumë”, ka thënë Abdixhiku.

Ai i ka bërë një pyetje qytetarëve, “A është ky ndryshimi që kemi pasur nevojë të gjithë, që të amnistohen të korruptuarit dhe të rehabilitohen kriminelët e luftës për më shumë pushtet”?

Ndryshe, më 16 janar, kryeministri Kurti kërkoi zbardhjen e vrasjes së Ivanoviqit, duke thënë se të gjithë ata që kryejnë një krim në Kosovë duhet të dalin para drejtësisë “më vjen keq që autorët dhe ata që e kanë porositur këtë krim ende nuk janë nxjerrë para drejtësisë”.

“Ai e bëri këtë duke qenë i hapur, i sinqertë, gjithmonë i mprehtë në çështjet me rëndësi, por edhe i respektueshëm edhe ndaj atyre, me të cilët, nuk ishte dakord. Do të dëshiroja që kujtimi i tij të mbetet i gjallë, kujtimi i tij si një njeri që punoi për një të ardhme të qëndrueshme dhe për një Kosovë shumë etnike”, kishte deklaruar Kurti përmes një videoje.

Edhe pse Ivanoviq kishte qenë i dënuar për krime lufte ndaj civilëve shqiptarë, Kurti ka dhënë lëvdata për të.

Ky fjalim i tij ka ngjallur diskutime të shumta, sidomos nga opozita.

Shija e redaktorit

Albina Kelmendi dhe familja do të performojnë në natën e...

Shqipëria e cila këtë vit prezantohet nga Albina Kelmendi me familje me këngën “Duje”, do të performojnë në natën e dytë gjysmëfinale, më 11...

Komuna e Prishtinës publikon çmimet e reja për trafikun urban

Komuna e Prishtinës në kuadër të Marrëveshjes së Kredisë mes Trafiku Urban Prishtinë dhe Bankës Evropiane për Rindërtim dhe Zhvillim (BERZh), me qëllim të...

Libraria “Dukagjini” fiton çmimin FIDES 2022 për kontributin korporativ

Libraria "Dukagjini" ka marrë të mërkurën e 18 janarit çmimin FIDES 2022 për kontribut korporativ. Ky çmim librarisë "Dukagjini", ju dha për kontributin e vazhdushëm...

Më të lexuarat

Në Kuvendin e Serbisë kërkohet mbyllja e kufijve për kosovarët që...

Slavisha Ristiq, anëtari i Komisionit Parlamentar për Kosovën në Kuvendin e Serbisë, ka kërkuar që të mos u lejohet hyrja në Serbi, kosovarëve që...

WhatsApp lëshon përditësimin e ri  për t’i lejuar njerëzit të...

WhatsApp ka lansuar një përditësim të madh të ri për t'i lejuar njerëzit të bisedojnë edhe në mes të mbylljeve të internetit. WhatsApp ka lansuar...

IKD: Shteti ka dështuar në rastin “Kobra”

Instituti i Kosovës për Drejtësi ka thënë se rasti “Kobra” paraqet një shembull të dështimit të sistemit të drejtësisë, i cili, sipas tyre, ka...

Të fundit nga rubrika