Në Qendrën Klinike Universitare të Kosovës (QKUK), një 19-vjeçare nga Podujeva ka kërkuar tretman mjekësor më 30 qershor, pasi dyshohet se ka kryer një abort në mënyrë të paligjshëm.

Për 19-vjeçaren me inicialet Xh.L, Prokuroria Themelore në Prishtinë ka kërkuar caktimin e masës së paraburgimit.

Lajmin për Dukagjinin e ka bërë të ditur zëdhënësja e Prokurorisë Themelore në Prishtinë, Laureta Ulaj.

Sipas saj, kjo kërkesë për caktimin e masës së paraburgimit ndaj së dyshuarës është bërë për shkak të veprës penale “Vrasja e foshnjës gjatë lindjes”.

“Ju njoftojmë se Prokurori i Shtetit, pranë gjykatës kompetente, ka paraqitur kërkesë për caktimin e masës së paraburgimit ndaj XH.L., për shkak të veprës penale ‘Vrasja e foshnjës gjatë lindjes’, sipas KPRK-së”, ka thënë Ulaj.

Lidhur me rastin në fjalë, ishte arrestuar edhe një grua që raportohet se është e ëma e 19-vjeçares.

Nënë e vajzë tashmë janë arrestuar nga policia, ndërsa prokurori i shtetit ka lëshuar aktvendim për ndalimin e tyre.

Abortoi në mënyrë të paligjshme, arrestohen dy të dyshuara