Asociacioni i Gazetarëve të Kosovës (AGK) ka reaguar pasi u bë i njohur lajmi për tentim zjarrvënien e garazhit të redaktorit të transmetuesit publik, Alban Selimi.
AGK-ja ka thënë se është shqetësuese tentim frikësimi ndaj redaktorit të transmetuesit publik, Alban Selimi.
“Asociacioni i Gazetarëve të Kosovës me shqetësim ka pranuar lajmin për tentim zjarrvënien e garazhit të redaktorit të transmetuesit publik, Alban Selimi”, thuhet në reagimin e AGK-së.
Selimi, mbrëmjen e djeshme, përmes rrjetit social Facebook, ka treguar se dikush ka tentuar ta frikësojë atë me këtë akt, por që nuk ia ka arritur qëllimit.
“Dikush ia vuni flakën; me m’frikësu. S’ia arrijnë qëllimit!”, ka shkruar ai.
“Për AGK-në, kërcënime të tilla janë tërësisht të papranueshme dhe e cenojnë rëndë lirinë e shprehjes dhe ndikojnë në punën e gazetarëve për të raportuar në një ambient të sigurt”, thuhet tutje në reagim.
Një gazetari i digjet shtëpia, thotë se është bërë për ta frikësuar