Dy shqiptarë kanë humbur jetën si pasojë e një aksidenti në Francë, ku dy makina janë përplasur me njëra-tjetrën.

Ngjarja ka ndodhur këtë të mërkurë në Evires, komunën e Filliere, në Francë, rreth orës 11:30.

Në njërën prej makinave po udhëtonin dy meshkuj të moshës 33 dhe 43-vjeç me origjinë shqiptare, ku me gjithë ndërhyrjen e zjarrfikësve dhe ekipit mjekësor, mjeku ka konstatuar vdekjen e tyre.

Pamje nga aksidenti në Francë

Ndërsa, në automjetin tjetër ndodhej një 33-vjeçare bashkë me dy fëmijët e saj, të cilët kanë mbetur të lënduar.

Gruja me dy fëmijët e saj u dërgua për trajtim në qendrën spitalore Alpes Léman, raporton Le Dauphine, transmeton Dukagjini.

Pamje nga aksidenti në Francë

Ndërkaq, kalimi i veturave është ndërprerë plotësisht në rrugën ku kishte ndodhur aksidenti.

Pamje nga aksidenti në Francë

Pas pastrimit të rrugës, rruga është rihapur plotësisht për qarkullim rreth orës 13:30.

Ndërkaq, Policia e Francës ka nisur hetimet për zbardhjen e plotë të ngjarjes.