Pas aksidentit të rëndë rrugor të ndodhur më 21 mars në Graçevicë, pranë Brusit, e që u shkaktua nga një pjesëtar i sigurimit të Milan Radoiçiqit, ka ndërruar jetë edhe viktima e dytë e familjes së njërit prej drejtuesve të policisë së Beogradit.

Sot, babai i këtij zyrtari policor ka humbur jetën si pasojë e plagëve të rënda të marra në aksident. Ai kishte qenë në gjendje kritike që nga dita e ngjarjes dhe ishte trajtuar në repartin e kujdesit intensiv në një spital të Beogradit. Më herët, më 8 prill, kishte ndërruar jetë edhe bashkëshortja e tij – nëna e policit – e cila po ashtu ishte lënduar rëndë në këtë aksident tragjik.

Aksidenti është shkaktuar nga Miloš Milenković, një pjesëtar i sigurimit joformal të Milan Radoiçiqit. Milenković, i cili bashkë me Radoiçiqin është i akuzuar nga autoritetet në Prishtinë për terrorizëm lidhur me sulmin në Banjskë, mbetet në liri pavarësisht se ndaj tij është hapur hetim nga Prokuroria Themelore Publike në Brus.

Për rrethanat e përfshirjes së këtij rrjeti në ngjarje të rënda, kemi raportuar më herët, ku është dokumentuar lidhja mes strukturave kriminale dhe individëve të afërt me Radoiçiqin.

Vazhdon të heshtet aksidenti me fatalitet i shkaktuar nga sigurimi i Radojçiqit në Serbi