Ambasadori amerikan në Serbi, Christopher Hill nëpermjet një video-adresimi të postuar në faqen e Ambasadës amerikane në Serbi në Twitter ka komentuar takimin e ditës së enjte në Bruksel në mes kryeministrit të Kosovës Albin Kurtit dhe presidentit serb Aleksandër Vuçiqit.
Ai ka thënë se Bruksel ka pasur shumë diskutim, takime dhe negociata, por prap se prap të gjithë janë të deshpëruar se ishte pa rezultat.
“Në Bruksel dje, ka pasur shumë diskutime për takime dhe negociata. Natyrisht, unë mendoj se të gjithë janë pak të zhgënjyer që nuk ishim në gjendje t’i zgjidhnim çështjet as në afat të shkurtër, as në një afat më të gjatë. Por mendoj se ka disa zhvillime pozitive si rezultat”, ka thënë Hill.
Srpska strana je došla na razgovore u Brisel u pravom duhu. To je dobro za nastavak dijaloga sa Prištinom i za budućnost odnosa SAD i Srbije. pic.twitter.com/jiZ3OdBRYe
— Američka ambasada (@USEmbassySerbia) August 19, 2022
Ai ka shtuar se ShBA-të dhe BE janë duke punuar ngushtë për gjetjen e një zgjidhjeje, dhe se kjo mund të jetë në favor të dy palëve.
“Ekziston një kuptim real i përbashkët i çështjeve dhe një kimi shumë e mirë midis SHBA-së dhe evropianëve. Dhe unë mendoj se kjo do të na shërbejë shumë mirë të gjithëve ndërsa ecim përpara”. ka shtuar Hill.
Sipas tij pala serbe erdhi në diksutime në frymën e duhur, e cila ka bërë shumë punë për këtë çështje.
Hill deklaroi se jo gjithçka që Serbia dhe ShBA-të bëjnë duhet të lidhet me Kosoëvn, dhe se është shum i inkurajuar nga ajo që ka parë në takimin mes Kurtit dhe Vuciqit.
“E dini, jo gjithçka që SHBA-ja dhe Serbia bëjnë së bashku duhet të lidhet me Kosovën. Natyrisht, ne duhet të punojmë shumë për këtë çështje me Kosovën, duhet të gjejmë një mirëkuptim të përbashkët. Mendoj se të gjithë duam ta bëjmë këtë. Por unë mendoj se kemi çështje të tjera për të cilat duhet të punojmë së bashku me serbët dhe kështu jam shumë i inkurajuar me atë që pashë dje” ka përfunduar Hill.