Ekipi nga kompania NEOM tashmë kanë filluar ndërtimin e eko-qytetit të Arabisë Saudite “The Line” qytetit 170km të gjatë, raporton The Guardian.
Tani ekskavatorët më në fund kanë filluar të lëvizin tokën dhe të hapin tunele nëpër male për të vendosur tre shtresa për qytetin linear. Një zonë sipërfaqësore për këmbësorët, plus dy shtresa nëntokësore për transport dhe infrastrukturë.
“Është një hap i madh,” tha shefi ekzekutiv i projektit, Nadhmi Al-Nasr, duke vlerësuar se “as edhe një për qind” e punës së nevojshme për të ndërtuar Linjën nuk është kryer.
Në vend që të ndërtojnë nga një pikë fillestare, Al-Nasr shtoi se zhvilluesit po konsiderojnë ‘të nisin nga dy pika’ dhe të ndërtojnë drejt qendrës.
Qëllimi kyç i qytetit të së ardhmes “The Line”, me vlerë 725 miliardë dollarë, është për të strehuar 9 milionë banorë. Ai përbëhet nga një strukturë e pasqyruar, si mur, 200 metra e gjerë dhe 500 metra e lartë.
Drejtori ekzekutiv për planifikim urban nga kompania NEOM, Tarek Qaddumi tha se plani për “The Line” do të shërbejë si ilaç për çështjet me të cilat përballen qytetet moderne, si dominimi i makinave, ndotja e ajrit dhe shtrirja urbane.
Shkollat, restorantet, dyqanet dhe destinacionet e tjera do të jenë të gjitha brenda një shëtitjeje prej pesë minutash dhe “asnjë udhëtim nuk do të jetë më i gjatë se 20 minuta”.
Të banosh në një strukturë kaq gjigante nënkupton një mënyrë jetese klaustrofobike. Por, teorikisht, çdo banor do të gëzonte mesatarisht 1000 metër kub hapsirë urbane.
Qyteti “The Line” i planifikuar pa makina nga Arabia Saudite