Arrihet një marrëveshje për një armëpushim midis Armenisë dhe Azerbajxhanit

Armenët etnikë në Nagorni-Karabah janë rënë dakord për një propozim rus për armëpushim, pas 24 orësh të ofensivës së Azerbajxhanit për të kontrolluar enklavën. Autoritetet e vetëshpallura lokale armene kanë thënë se në kushtet e reja të krijuara "nuk kanë pasur zgjidhje tjetër"

Armenët etnikë në rajonin e shkëputur të Azerbajxhanit në Nagorni-Karabah kanë gjetur një akordancë me një propozim rus për armëpushim sot (e mërkure), 24 orë pasi Azerbajxhani nisi një ofensivë për të rimarrë kontrollin e enklavës, ku për pasojë u vranë dhjetëra njerëz dhe u plagosën qindra të tjerë.

Forcat separatiste armene në Karabah thanë se Azerbajxhani kishte shkelur linjat e tyre duke kapur shumë rrugë dhe terene të larta dhe strategjike.

“Republika e Artsakut” e vetëshpallur ka deklaruar se në rrethana të tilla nuk kishte zgjidhje tjetër veçse t’i jepte fund armiqësive që nga ora 13:00 me orën lokale të së mërkurës së 20 shtatorit.

“Autoritetet e Republikës së Artsakhut pranojnë propozimin e komandës së kontingjentit paqeruajtës rus për armëpushim”, thuhet në njoftimin e tyre.

“Me ndërmjetësimin e komandës së kontingjentit paqeruajtës rus të vendosur në Nagorni-Karabah, u arrit një marrëveshje për ndërprerjen e plotë të armiqësive nga ora 13:00 e datës 20 shtator 2023”.

Nga ana tjetër edhe Azerbajxhani ka konfirmuar se është arritur një marrëveshje armëpushimi.

Forcat paqeruajtëse ruse i përcollën Azerbajxhanit apelin e armenëve të Karabahut për një armëpushim.

Azerbajxhani nisi operacionin e tij kundër Nagorni-Karabahut të martën pasi disa nga ushtarët e tyre u vranë në, siç tha Baku, sulme nga rajoni malor, të cilin Azerbajxhani e ka izoluar.

Baku ka kërkuar që autoritetet politike separatiste në Karabah, i cili njihet ndërkombëtarisht si pjesë e Azerbajxhanit, gjithashtu të shpërbëhen përpara çdo bisedimi për të ardhmen e rajonit, të cilin Azerbajxhani dëshiron ta integrojë plotësisht, dhe të heqin armët dhe të çarmatosen.

Nagorni-Karabahu njihet ndërkombëtarisht si pjesë e Azerbajxhanit.

Shija e redaktorit

Osmani takon presidenten Keller-Sutter: Zvicra vazhdon të jetë një nga...

Presidentja Vjosa Osmani është takuar me presidenten e re të Zvicrës, Karin Keller-Sutter në kuadër të takimeve që ka me liderë botërorë në konferencën...

Bëhuni pjesë e lojës shpërblyese të shtëpisë botuese “Dukagjini” –...

Shtëpia botuese “Dukagjini” fton të gjithë lexuesit të bëhen pjesë e garës “Review për librat tanë”. Në këtë konkurs, ftohen të gjithë lexuesit e botimeve...

Rutte: NATO po ndjek zgjedhjet në Kosovë, duket se do...

Sekretari i Përgjithshëm i NATO-s, Mark Rutte, ka komentuar zhvillimet politike në vend gjatë një konference për media, duke vënë në pah se aleanca...

Të fundit nga rubrika