Skuadra e Ballkanit ka realizuar një paraqitje të mrekullueshme duke fituar ndeshjen me rezultatin 2:0 kundër gjigantëve kroat, klubit Dinamo Zagreb.
Kjo fitore e rëndësishme ka sjellë gëzim për tifozët dhe është një shenjë e suksesit për ekipin vendas.
Në pjesën e dytë të ndeshjes, skuadra e Ballkanit ka shënuar golin e dytë në minutën e 83-të.
Goli është realizuar nga Walid Hamidi, duke shtuar epërsinë për ekipin vendas dhe duke çuar skuadrën drejt një fitore të rëndësishme me rezultatin e mundshëm deri më tani, 2-0 ndaj Dinamo Zagrebit.
Pjesa e parë mes Ballkanit dhe Dinamo e Zagrebit u mbyll me epërsinë e ngushtë 1-0 për ekipin tonë.
Sulmuesi i krahut, Almir Kryeziu, ka qenë heroi i momentit, pasi mori topin dhe, duke u futur në zonë, shënoi në rrjetën e Dinamos me një goditje direkt në rrjetë.
Ndërkohë, vendimi për golin e minutës së 44-të fillimisht u anulua nga arbitri kryesor për shkak të një pozite jashtë loje.
Megjithatë, pas rishikimit të situatës nga VAR-i, vendimi u shfuqizua, duke sjellë gëzim për tifozët e Ballkanit.
Ndeshja është duke u zhvilluar në stadiumin “Fadil Vokrri” në Prishtinë dhe i takon Grupit C të Ligës së Konferencës.