Basha për spitalin e ri të Ferizajt: Akuzat nga opozita janë shpifje, Qeveria i ka ndarë katër milionë euro

Pas zvarritjeve të punimeve në Spitalin e Ferizajt, deputeti i PDK-së, Elmi Reçica ka thënë se kjo po ndodh për shkak të bllokadës që i ka shkaktuar qeveria, ndërsa deputeti i partisë në pushtet, Lëvizjes Vetëvendosje, Dimal Basha është shprehur se punimet janë ndalur si pasoj e parregullësive dhe mospërgjegjësisë së kompanisë, të cilës MSH i ka shkëputur kontratën dhe i ka bërë kallëzim penal

Deputeti i VV-së, Dimal Basha

Pas akuzave, të deputetëve të opozitës, përkatësisht nga deputeti i Partisë Demokratike të Kosovës (PDK), Elmi Reçica, se Qeveria e Kosovës qëllimshëm po e zvarritë projektin e ndërtimit të spitalit të ri të Ferizajt, ka reaguar deputeti nga radhët e Lëvizjes Vetëvendosje, Dimal Basha.

Sipas Bashës, akuzat e opozitës ndaj ekzekutivit për ngecjen e punimeve që do të qonin në finalizimin e projektit të spitalit të ri në Ferizaj, janë shpifje.

Në një përgjigje me shkrim për Portalin Dukagjini, Basha ka thënë se tashmë Qeveria e Kosovës ka ndarë katër milionë euro për këtë projekt.

“…sot në buxhetin e Kosovës janë 4 milion euro për Spitalin e Ferizajt, që dëshmon se mjetet janë në dispozicion dhe se akuzat nga opozita janë një shpifje e radhës”, ka deklaruar Basha.

Ai e ka kritikuar pushtetin lokal në Ferizaj, i cili sipas tij, në mënyrë të kundërligjshme e ka vendosur lokacionin e ndërtimit të spitalit. Po ashtu, ai ka thënë se “spitali është nisur nga viti 2013, kur kanë qenë në pushtet mu këta që sot qajnë me lot krokodili”, duke aluduar në Partinë Demokratike të Kosovës (PDK).

Deputeti nga Ferizaji, ka folur edhe për kontratën e nënshkruar në vitin 2018, nga Ministria e Shëndetësisë dhe operatori ekonomik Arbëria Com, e cila sipas tij ka refuzuar t’i mbarojë punimet për shkak se komuna atë kohë nuk i ka kalkuluar si duhet shpenzimet e projektit.

Spitali i ri i Ferizajt, në ndërtim

“E treta, të njejtit vetëm në vitin 2018 kanë nënshkru kontratën me operatorin ekonomik NNP Arbëria Com, e cila ka refuzu me i mbaru punimet duke u ankuar se projektuesi, i përzgjedhur nga Komuna e udhëhequr nga PDK, nuk i ka kalkuluar mirë shpenzimet e projektit. Si pasojë, kjo kompani ka marrë gati 1 milion euro shtesë nga ministria, ku gati 700 mijë euro kanë shkuar vetëm për armaturë shtesë, për diku mbi 700 mijë kg”, ka deklaruar deputeti Basha.

Sipas deputetit Dimal Basha, për shkak të parregullsive dhe zvarritjes së punëve dhe kërkimit të mjeteve shtesë në vlerë prej pesë milionë eurove nga kompania e kontraktuar, MSh-ja në kishte vendosur ta shkëpusë kontratën dhe të dorëzojë kallëzim penal ndaj kompanisë së kontraktuar për kryerjen e punimeve.

Ashtu sikurse edhe Msh-ja, edhe deputeti Basha ka bërë të ditur se tashmë kanë kërkuar nga “Fakulteti i Ndërtimtarisë pranë UP-së ta bëjë një vlerësim, dhe pas kësaj të vendoset për punimet që duhet ritenderuar që të përfundoj ky spital”.

Në fund, Basha ka thënë se ngecjet e punimeve deri më sot, nuk kanë ndodhur për shkak të Qeverive Kurti 1 dhe Kurti 2, por sipas tij ngecjet kanë ardhur si pasojë e “kompanisë së papërgjegjshme të përzgjedhur nga Ministria e Shëndetësisë në vitin 2018 dhe projektuesit të përzgjedhur nga Komuna, ku kompania refuzon t’i kryej punimet për cka është ushtru kallëzim penal”.

Sipas tij, kompania është ankuar se projekti ka qenë i cilësisë së dobët dhe se i njëjti ka qenë në kundërshtim me paramasën dhe parallogarinë e përgatitur nga projektuesi.

UP-ja vlerëson punimet në Spitalin “gjysmak” të Ferizajt

Shija e redaktorit

Xhubleta shqiptare në 110- vjetorin e Pavarësisë bëhet pjesë Komitetit...

Ministrja e Kulturës së Shqipërisë, Elva Margariti, përmes një videoje të publikuar në llogarinë zyrtare të Ministrisë së Kulturës në Facebook, ka bërë të...

Me pushkë e me penë – 110 vjet shtet

Gjithçka, nisi më 28 Nëntor të vitit 1443. Në këtë ditë, heroi kombëtar i shqiptarëve, Gjergj Kastrioti, ngriti flamurin e shqiponjës dykrenare mbi Kalanë e...

“Nëntori i Ftohtë” i regjisor Ismet Sijarina, nga tash e...

Filmi i metrazhit të gjatë artistik “Nëntor i ftohtë” me regjisor Ismet Sijarina, është bërë pjesë e Netflix International, shërbimit të transmetimit të shfaqjeve...

Më të lexuarat

Detaje të reja nga vetëvrasja e Sokol Halilit

Burime të RTV Dukagjinit, kanë mësuar se Sokol Halili, i dyshuar për vrasjen e gruas së tij, e ka vrarë veten në shtëpinë e...

LAJMI I FUNDIT: Vetëvritet i dyshuari për vrasjen e 35-vjeçares

Sokol Halili, i dyshuar për vrasjen e gruas shtatzënë, e ka vrarë veten. Kështu ka bërë të ditur ministri i Punëve të Brendshme, Xhelal...

Flet babai i të dyshuarit për vrasjen e ish-bashkëshortes: Djali...

Babai i Sokol Halilit – personit të dyshuar për vrasjen e ish bashkëshortes së tij – Halili Halili për Telegrafin tregoi se ngjarja e...

Të fundit nga rubrika