Jude Bellingham, sipas marrëveshjes do të jetë pjesë e madrilenëve deri në vitin 2029.
Real Madridi ditën e mërkurë ka postuar një komunikatë ku konfirmon transferimin e Bellingham, dhe thuhet që të enjten do të mbahet një konferencë për media në zyrat e Real Madridit, ku do të bëhet prezantimi i Bellingham.
“Real Madridi dhe Borussia Dortmund kanë arritur marrëveshje për transferimin e lojtarit Jude Bellingham, i cili do jetë pjesë e klubit tonë për gjashtë sezonet e ardhshme. Jude Bellingham do të prezantohet si lojtar i ri i Real Madridit nesër, e enjte 15 qershor, në 12:00 në zyrat e Real Madridit. Pas kësaj, Jude Bellingham do të flasë para mediave”, thuhet në komunikatën e Real Madridit.
Sipas mediave spanjolle, shuma e transferit kalon shifrën e 100 milionë eurove, por klubi spanjoll nuk ka konfirmuar ende një gjë të tillë.
Klubi i Real Madridit këtë verë pritet të nënshkruajë edhe me sulmuesin francez, Kylian Mbappe, por njëherë nuk ka asgjë zyrtare.