Sekretari amerikan i Shtetit, Antony Blinken, ka shprehur ngushëllime për ndarjen nga jeta të ish-presidentit të Shqipërisë, Bujar Nishani.
Në një mesazh të publikuar nga vetë ai dhe Ambasada Amerikane në Tiranë, Blinken ka vlerësuar kontributin e ish-presidendtit Nishani, në forcimin e marrëdhënieve mes Shteteve të Bashkuara të Amerikës (SHBA) dhe Shqipërisë.
“Ne ndajmë dhimbjen e popullit shqiptar për largimin nga jeta të ish-Presidentit, Bujar Nishani. Kontributet e tij në marrëdhëniet SHBA-Shqipëri dhe partneritetin tonë të qëndrueshëm lënë pas një trashëgimi jetëgjatë”, shkruan Blinken, në rrjetin social Twitter, trasnmeton Portali D.
We share in the sorrow of the Albanian people on the passing of former President Bujar Nishani. His contributions to U.S.-Albanian relations and our enduring partnership will leave a lasting legacy. https://t.co/VLF4AKQeBp
— Secretary Antony Blinken (@SecBlinken) May 30, 2022
Sipas burimeve të PortaliD, trupi i ish-presidentit do të arrijë në Shqipëri të mërkurën.
Mediat në Shqipëri kanë raportuar se Nishani ishte i shtruar prej disa javësh në Gjermani në një spital, ku dhe pësoi vdekje klinike.
Transportin e trupit të pajetë të Nishanit është duke e bërë kompania ”Pikëllimi”.
Ndryshe, Nishani ishte presidenti i pestë i Shqipërisë pas ardhjes së demokracisë në Shqipëri, i cili karrierën e tij e ka filluar më 1991 duke u anëtarësuar në Partinë Demokratike.
Trupi i pajetë i ish-Presidentit Nishani niset për në Shqipëri