Përfaqësuesi i lartë i Bashkimit Evropian(BE) për Politikë të Jashtme dhe Siguri, Josep Borrell, ka komentuar dëmtimin e tubacioneve Nord Stream 1 dhe 2 që ka rezultuar në rrjedhje në ujërat ndërkombëtare të Detit Baltik.
Ai nëpërmjet një njoftimi në Twitter ka thënë se këto incidente nuk janë rastësi.
“Të gjitha informacionet e disponueshme tregojnë se rrjedhjet janë rezultat i një veprimi të qëllimshëm. Ndërprerja e qëllimshme e infrastrukturës energjetike evropiane është krejtësisht e papranueshme dhe do të përballet me një përgjigje të fortë dhe të bashkuar” ka shkruar Borrell.
Damage to Nord Stream 1 & 2 are not a coincidence and affect us all.
All available information indicates leaks are the result of a deliberate act.
Deliberate disruption of European energy infrastructure is utterly unacceptable and will be met with a robust and united response. https://t.co/p32qR8TzOb
— Josep Borrell Fontelles (@JosepBorrellF) September 28, 2022
Edhe ministri norvegjez i Naftës dhe Energjisë, Terje Aasland, ka thënë të martën se informacioni fillestar i marrë në lidhje me rrjedhjet tregonte “akte sabotimi”.
Gjithashtu, edhe kryeministrja suedeze, Magdalena Andersson, dhe homologia e saj daneze, Mette Frederiksen, të dyja thanë se incidenti ka të ngjarë të ishte “i qëllimshëm”, por minimizuan mundësinë e një kërcënimi ushtarak.
Të dy tubacionet kanë qenë pika deabti në një luftë të përshkallëzuar energjetike midis kryeqyteteve evropiane dhe Moskës që ka goditur ekonomitë kryesore perëndimore, ka rritur çmimet e gazit dhe ka ndezur një kërkim për furnizime alternative të energjisë.