Cramon: Nuk ishin as të lira as të drejta zgjedhjet në Serbi

”Zgjedhjet në Serbi nuk ishin as të lira e as të drejta”.

Kështu ka shkruar Eurodeputetja dhe Raportuesja për Kosovën në Parlamentin Evropian, Viola von Cramon në blogun e saj personal, duke theksuar faktin e raportimit të shumë parregullsive gjatë zgjedhjeve në Serbi, që sipas saj, kanë penguar shprehjen e vullnetit të lirë dhe kanë parandaluar një mjedis të drejtë konkurrues.

Presioni i drejtpërdrejtë ndaj votuesve që punojnë në administratën publike, keqpërdorimi i mediave dhe burimeve shtetërore, sulmi fizik ndaj liderit të opozitës Pavle Grboviq dhe kontrollorëve të zgjedhjeve të koalicionit MORAMO, si dhe mbyllja e Komisionit Qendror të Zgjedhjeve në natën e zgjedhjeve ishin disa nga shkaqet që, sipas Cramon – it, çojnë deri në pamundësinë për të pasur një zgjedhje të lirë dhe të drejtë.

zgjedhjet në Serbi, mars 2022

Më tej, Cramon ka komentuar edhe çështjen e fshirjes së emrave nga listat zgjedhore të mbi 6 mijë shqiptarëve të Luginës së Preshevës, duke e cilësuar këtë dikuri të papranueshme dhe cenim themelor i të drejtave të njeriut.

”Duke aspiruar për t’u anëtarësuar në BE, Serbia duhet së pari t’u përmbahet vlerave të saj themelore. SNS në pushtet dhe presidenti i rizgjedhur, Aleksandar Vučić kanë mandatin e rinovuar dhe si rrjedhojë detyrën për të rivendosur demokracinë dhe shtetin e së drejtës dhe për të marrë sriozisht reformat e procesit të integrimit në BE”, ka shkruar Cramon.

Ajo shton se Serbia, gjithashtu duhet të përafrohet plotësisht me sanksionet e BE-së kundër Rusisë, pas luftës së Putinit kundër Ukrainës, që të mos përballet me pasoja të rënda politike dhe financiare, nëse dëshiron të vazhdojë rrugën e saj të anëtarësimit në BE.

Aleksandar Vučić, presidenti i Serbisë

Shija e redaktorit

Nebi Qena merr rol udhëheqës në Associated Press

Gazetari i njohur Nebi Qena është emëruar zëvendësdrejtor për video në agjencinë botërore të lajmeve Associated Press në SHBA. Në një letër për stafin, drejtori...

 Themelorja lë në fuqi aktakuzën ndaj dy ish-ministrave Endrit Shala...

Gjykata Themelore në Prishtinë ka refuzuar kërkesat për kundërshtim të provave dhe për hudhje të aktakuzës, të parashtruara nga mbrojtja e dy ish-ministrave të...

Ambasada britanike për njohjen e Kosovës nga Sudani: Një moment...

Ambasada e Mbretërisë së Bashkuar në Prishtinë përmes një postimi në Facebook e ka uruar Kosovën për njohjen e marrë nga shteti afrikan, Sudani. Ambasada...

Të fundit nga rubrika