Mëngjesin e sotëm, koordinatorja e Komiteteve në Lëvizjen Vetëvendosje, Dejona Mihali, është paraqitur në Porkurorinë Speciale në Prishtinë, ku Mihali me ftesë të kësaj prokurorie është intervistuar në cilësinë e dëshmitares për disa çështje penale.
Pas më shumë se 3 orësh ka përfunduar ky intervistim.
Mihali pasi doli nga objekti i Prokurorisë Speciale tha se u intervistua nga Prokuroria Speciale për të zbardhur të vërtetën.
“Pas interesimit për të marrë informacion nga një numër i madh i gazetarëve, Prokuroria Speciale informon se sot, Dejona Mihali, është paraqitur në Prokurorinë Speciale me ftesë të kësaj prokurorie. E njëjta është duke u intervistuar në cilësinë e dëshmitares për disa çështje penale, të cilat kjo prokurori i ka në hetim”, u tha në njoftimin e Prokurorisë Speciale.
Lidhur me këtë intervistim ka reaguar edhe kryetari i AAK-së, Ramush Haradinaj.
Ai ndër të tjera ka thënë se po i ngushtohet rrethi mafisë energjetike.
Intervistimi i Mihalit nga Prokuroria Speciale, Haradinaj: Po i ngushtohet rrethi mafisë energjetike