Dyshohet se Ivanoviq ia vrau tre anëtarë të familjes, Sejdiu i drejtohet Kurtit: Turp të kesh

Tefik Sejdiut dyshohet se i janë vrarë tre anëtarë të familjes nga politikani serb, Oliver Ivanoviq, në masakrën në Mitrovicë më 14 prill. Ai ka thënë se kryeministri Kurti duhet të kërkojë falje për deklaratën e lëshuar në pesëvjetorin e vrasjes së Oliver Ivanoviqit

Në protestën e organizuar nga fëmijët e dëshmorëve të Ushtrisë Çlirimtare të Kosovës, për t’i kundërshtuar deklaratat e kryeministrit të Kosovës, Albin Kurti, që i kishte bërë në pesëvjetorin e vrasjes së Oliver Ivanoviqit, ka marrë pjesë edhe Tefik Sejdiu.

Sejdiut dyshohet se i janë vrarë tre anëtarë të familjes nga politikani serb, Oliver Ivanoviq, në masakrën në Mitrovicë më 14 prill.

Për këtë, Sejdiu në fjalën e tij të shkurtër tha se kryeministri Kurti duhet të kërkojë falje për deklaratën e tij të lëshuar për Ivanoviqin.

“Unë jam dëshmitar kryesor kundër Ivanoviqit që e ke shpallur hero, marre duhet të të vijë, kryeministër kërko falje, turp të kesh, marre për ty kryeministër”, tha Sejdiu.

Tefik Sejdiu

Kurti, nuk e kishte përmendur faktin se Ivanoviq ishte dënuar për krime lufte ndaj shqiptarëve, por vetëm kishte thurur lavde për ish-politikanin serb.

Protesta po mbahet para Qeverisë së Kosovës, në pankartat që po mbajnë në duar protestuesit shkruhet  “Kryeministër, mos na shkel në gjak, stop devijimit të historisë”, “Ivanoviqi vrau shqiptarë mos e amnisto”, “Kryeministër mos i glorifiko kriminelët”, “Kryeministër kurrë si dhe asgjë Kosovës, dorëhiqu”, “Me gjak e atdhe nuk bëjmë kompromis” e shumë të tjera.

“Ivanoviqi vrau shqiptarë” – nis protesta kundër deklaratës së Kurtit

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika