Një nga skuadrat kosovare që luan në Europë, Gjilani ka arritur rinovimin me një nga lojtarët më premtues të skuadrës, Shend Kelmendi, edhe për dy vjet tjera.
Në njoftimin zyrtar të klubit, thuhet:
“Sport Club Gjilani dhe futbollisti Shend Kelmendi kanë gjetur akordin për të vijuar bashkëpunimin edhe për dy vjet të radhës”.
Shend Kelmendi është një futbollist i cili luan në pozitën e sulmuesit të krahut, dhe nga skuadra nga regjioni i Anamoravës konsiderohet pjesë e rëndësishme e projektit të klubit dhe është vlerësuar nga stafi teknik për vazhdimin e marrëveshjes.
Gjatë sezonit 2021/22, me fanellën e skifterëve, Shend Kelmendi arriti që të gjejë rrugën e rrjetës shtatë herë, dhe ishte vendimtar me asistimet e tij tri herë.
Shendi pritet që të jetë startues në radhët e Gjilanit, duke filluar nga ndeshjet evropiane që skuadra e Zekirja Ramadanit do të zhvillojë në kuadër të fazës kualifikuese për Conference League.
