Escobari sonte në darkë me opozitën

Gabriel Escobar (Foto: Georgi Licovski)

I dërguari i Shteteve të Bashkuara të Amerikës për Ballkanin Perëndimor, Gabriel Escobar, gjatë ditës së enjte pritet të takojë opozitën.

Burime të Dukagjinit kanë bërë të ditur se takimi pritet të mbahet nga ora 18:00 (sot), ai do të shtrojë darkë me kryetarin e PDK-së Memli Krasniqi, kryetarin e LDK-së Lumir Abdixhiku dhe në mungesë të kryetarit të AAK-së Ramush Haradinaj, pritet të marrë pjesë nënkryetari i AAK-së Ardian Gjini.

Takimi pritet të mbahet në rezidencën e ambasadorit amerikan në Kosovë, Jeff Hovenier.

Kjo vizitë e Escobarit vjen dy ditë para takimit në Ohër në mes kryeministrit të Kosovës, Albin Kurti, dhe presidentit të Serbisë, Aleksandër Vuçiq.

Ndërsa, Escobar konfirmoi pozitivisht ndaj pyetjes nëse pas vizitës së tij dhe të dërguarit të Bashkimit Evropian për Ballkanin Perëndimor, Miroslav Lajçak, në Serbi, mund të thuhet se formimi i Asociacionit është më afër sesa ishte një muaj më parë.

“Mund të them se bisedimet tona me Qeverinë e Kosovës po bëhen gjithnjë më produktive dhe realiste. Shpresoj se ne jemi shumë më afër kësaj sesa disa javë më parë”, deklaroi Escobar.

Escobar tha se Asociacioni është një marrëveshje ekzistuese dhe një detyrim ndërkombëtar që duhet të zbatohet, pavarësisht se a do të ketë një marrëveshje të re apo jo.

Ai u bëri thirrje palëve nga Kosova dhe Serbia që të jenë konstruktive dhe fleksibile përpara takimit në Ohër që do të mbahet më 18 mars.

Escobar i bën thirrje Kosovës dhe Serbisë që të jenë konstruktive dhe fleksibile para takimit në Ohër

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika