Forcat e Mbrojtjes së Izraelit kanë njoftuar se Mohammed Deif, lideri i krahut ushtarak të Hamasit u vra nga një sulm ajror izraelit në Rripin e Gazës në korrik.

Izraeli e konfirmoi vrasjen e Deif një ditë pasi lideri politik i Hamasit, Ismail Haniyeh, u vra në Teheran.

“IDF-ja [Forcat e Mbrojtjes së Izraelit] njofton se avionët luftarakë të IDF-së goditën zonat e Han Junisit, dhe pas një vlerësimi të inteligjencës, mund të konfirmohet se Mohammed Deif u eliminua në këtë sulm”, tha ushtria.

We can now confirm: Mohammed Deif was eliminated.

— Israel Defense Forces (@IDF) August 1, 2024

Hamasi nuk ka komentuar njoftimin e Izraelit për vrasjen e Deif, i cili u bë në ditën kur turma të mëdha njerëzish u mblodhën në Teheran për funeralin e Haniyehut.

Deif ka qenë për shumë dekada në krye të listës së zezë të Izraelit.

Ndryshe, dje lideri politik i Hamasit është vrarë gjatë një sulmi në Teheran.

Garda Revolucionare e Iranit thotë se lideri politik i Hamasit është vrarë në Teheran