Forcat ruse tërhiqen nga Ishulli i Gjarpërit

Forcat ruse janë tërhequr nga Ishulli i Gjarpërit në Detin e Zi, të cilin Rusia e kishte pushtuar menjëherë pas ndërhyrjes ushtarake të Ukrainës, duke e cilësuar si një përpjekje për krijimin e një korridori humanitar për eksportin e produkteve bujqësore nga Ukraina

Foto: Ishulli i Gjarpërit

Forcat ruse janë tërhequr nga Ishulli i Gjarpërit në Detin e Zi, të cilin Rusia e kishte pushtuar menjëherë pas ndërhyrjes ushtarake të Ukrainës në shkurt të vitit 2022.

Rusia këtë e ka cilësuar si një përpjekje për krijimin e një korridori humanitar për eksportin e produkteve bujqësore nga Ukraina, ndërsa zyrtarët e qytetit portual të Odesas së Ukrainës, këtë gjë e kishin konsideruar si një evakuuim pas sulmeve me raketa dhe artileri, raporton CNN.

“KABOOM!”Nuk ka më trupa ruse në ishullin e gjarpërinjve. Forcat tona të Armatosura bënë një punë të shkëlqyer”, ka shkruar në Twitter Andriy Yermak, shefi i kabinetit të presidentit ukrainas, Volodymyr Zelenskyy.

Megjithatë, Rusia dha një tregim paksa të ndryshëm për largimin e tyre nga Ishulli i Gjarpërit, transmeton Portali Dukagjini.

Gjeneral-lejtnant i Forcave të Armatosura Ruse dhe zëdhënësi i ushtrisë ruse, Igor Konashenkov ka thënë në një konferencë se forcat ruse u larguan nga ishulli “si një gjest i vullnetit të mirë”.

Ai ka shtuar se forcat e Armatosura të Federatës Ruse përfunduan përmbushjen e detyrave të caktuara në ishullin e gjarpërinjve dhe tërhoqën garnizonin që kishte vepruar atje.

“Kjo zgjidhje do të parandalojë Kievin të spekulojë mbi një krizë të afërt ushqimore duke përmendur pamundësinë për të eksportuar drithëra për shkak të kontrollit total të pjesës veriperëndimore të Detit të Zi nga Rusia”, ka thënë Konashenkov.

Ndryshe, më 24 shkurt, autoritetet raportuan se trupat ruse kishin pushtuar ishullin ukrainas të Detit të Zi, Zmeiny, ku mbetën të vrarë 13 roje kufitare.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika