Sa herë që është pyetur në lidhje me formimin e qeverisë, thuajse ka pas të njëjtën përgjigje.
“Së pari rezultatet përfundimtare, pastaj certifikimi….”
“Njëherë certifikimi i rezultateve”.
Të enjten, Kurti nuk është ndalur para gazetarëve të cilët kishin interesim ta pyesin për ketë, shkaku i procesit që po shkon drejt fundit.
Naim Jakaj nga Instituti i Kosovës për Drejtësi thotë që afatet ligjore tashmë janë duke u afruar.
“Presidentja do të duhej në afatin sa më të shpejtë të mundshëm të thërras Kuvendin sepse nuk ka ndonjë arsyeje që ajo të e vonoj, pasi që fituesi dihet, konstituimi i Kuvendit të Kosovës nuk kërkon ndonjë koalicion parlamentar për këtë çështje i takon të propozoj partisë siç është LVV-ja”, ka thënë Jakaj.
Lëvizja Vetëvendosje tahsmë ka konfirmuar se vendimin e Supremes që konfirmoi se nuk kishte parregullsi tek votat me postë, do ta dërgojë për vlerësim në Gjykatë Kushtetuese e madje do të kërkojë masë të përkohshme.
Por, kjo nuk është pengesë sipas Jakajt.
“Kjo ankesë nuk do të thotë që prolongon procesin, por nuk do të thotë që gjykata nuk mund të marrë ndonjë vendim për masë të përkohshme por sipas praktikës që ka ndodh në rastet e tilla nuk merrë gjykata masë të përkohshme”, ka shtuar Jakaj.
Ndërkaq, analisti politik Afrim Kasolli nuk e konsideron të lehtë formimin e qeverisë.
“Në bazë të indikacioneve aktuale duket që situata nuk është shumë shpresë dhënëse nuk kemi pa asnjë lëvizje pozitive politike por premtimeve të Kurtit që ai të do të bëjë qeverinë, por nuk kemi parë hapa konkret”, ka thënë Kasolli.
Kasolli thotë që as partitë minoritare të cilat nuk janë shumicë serbe nuk janë vota të sigurta, pa përmbushur kërkesat e tyre që veçse kanë nisur.
Ndërkaq, edhe apetitet e partive tjera si PDK, LDK dhe AAK i sheh vështirë të arritshme në rast të një qeverie të opozitës.