Ministrja e Punëve të Jashtme dhe Diasporës, Donika Gërvalla, e ka uruar Suedinë pas anëtarësimit të saj në NATO.

Përmes një postimi në platformën X, Gërvalla ka thënë se ky është një lajm jashtëzakonisht pozitiv për Evropën.

“Pranimi i Suedisë në aleancën e NATO-s është një lajm jashtëzakonisht pozitiv për Evropën dhe arkitekturën e sigurisë së kontinentit tonë. Në këtë rast historik, i shpreh urimet e mia homologut tim suedez,@TobiasBillstrom, dhe populli mik i Suedisë”, ka shkruar ministrja.

Sweden’s accession to the NATO alliance is exceptionally positive news for Europe and our continent’s security architecture.

On this historic occasion, I extend my congratulations to my Swedish counterpart, @TobiasBillstrom, and the friendly people of Sweden.

🇽🇰🤝🇸🇪

— Donika Gërvalla-Schwarz (@gervallaschwarz) March 7, 2024

Ndryshe, sot Suedia është bërë zyrtarisht anëtarja e 32-të e NATO-s pasi përfundoi procesin e anëtarësimit në Uashington.

Dorëzimi i dokumenteve u bë në një ceremoni dy vjet pasi Suedia aplikoi për t’u bashkuar me aleancën ushtarake pas pushtimit të plotë të Ukrainës nga Rusia.

Lexo më shumë: Suedia anëtarësohet zyrtarisht në NATO

Kryeministri suedez, Ulf Kristersson, ka deklaruar se “uniteti dhe solidariteti” do të jenë “dritat udhëzuese” të Suedisë.

Ndërsa, sekretari amerikan i Shtetit, Antony Blinken, ka thënë mes tjerash se “gjërat e mira vijnë për ata që presin”.