Ministrja e Punëve të Jashtme dhe Diasporës, Donika Gërvalla – Schwarz, e ka uruar James Cleverly për emërimin si Sekretar i Shtetit për Punë të Jashtme në Britaninë e Madhe.
Ajo ka thënë se Kosova është e përkushtuar që ta forcojë miqësinë me Britaninë e Madhe.
“Urime për James Cleverly, për emërimin e tij si Sekretar i Shtetit të Britanisë së Madhe për Punë të Jashtme, Commonwealth dhe Development Affairs. Kosova është e përkushtuar që të përforcojë miqësinë dhe partneritetin e fuqishëm me Britaninë e Madhe”, ka shkruar kryediplomatja në rrjetin social Twitter.
Congratulations to @JamesCleverly on his appointment as UK Secretary of State for Foreign, Commonwealth and Development Affairs @FCDOGovUK. 🇽🇰 is committed to reinforce the strong friendship and partnership with 🇬🇧.
— Donika Gërvalla-Schwarz (@gervallaschwarz) September 7, 2022
Kryeministrja e re e Britanisë, Liz Truss, ka emëruar Cleverly-n si ministër të jashtëm të saj, ka thënë zyra e saj në një deklaratë të martën.
Truss, e cila ishte favoritja për të fituar konkursin, ka pasuar Boris Johnson të martën dhe është bërë liderja e tretë femër në Mbretërinë e Bashkuar.
Johnson, i cili u detyrua të shpallë dorëheqjen e tij pasi një valë ministrash u larguan nga qeveria e tij për një seri polemikash, ai do të vizitojë Mbretëreshën në Kalanë Balmoral në Skoci për të paraqitur zyrtarisht dorëheqjen e tij.
Ndërsa, Cleverly kishte shërbyer si Sekretar i Arsimit që nga korriku, kur Boris Johnson njoftoi se do të jepte dorëheqjen dhe emëroi një qeveri të përkohshme derisa të emërohej një udhëheqës i ri.
Ndërkaq, Truss do të përballet me sfidën e menjëhershme për të dalë me një paketë mbështetjeje për të ndihmuar familjet të përballojnë një krizë të përkeqësuar të kostos së jetesës, e shkaktuar nga rritja e faturave të energjisë.
Liz Truss jep zotime të mëdha për të trajtuar krizën e energjisë dhe koston e lartë të jetesës