Një gjykatë e qarkut në Finlandë ka bërë të ditur sot(e premte) se ka shpallur fajtor një rus për kryerjen e krimeve të luftës në Ukrainën lindore në 2014 dhe 2015, duke e dënuar atë me burgim të përjetshëm.

Gjyqi i Yan Petrovsky, i njohur gjithashtu si Voislav Torden, ishte një rast i rrallë i prokurorëve jashtë Ukrainës që kërkonin drejtësi për viktimat e krimeve të supozuara të luftës në një konflikt që filloi shumë kohë përpara pushtimit rus të Ukrainës në shkurt 2022, raporton Reuters përcjell Dukagjini.

Petrovsky, i lindur në vitin 1987, u përball me pesë akuza në lidhje me aktivitetet e tij në rajonin Luhansk të Ukrainës lindore një dekadë më parë.

Petrovsky, i cili ka qenë nën sanksionet e Bashkimit Evropian dhe SHBA, që nga viti 2022 ka mohuar të gjitha akuzat, tha avokati i tij Heikki Lampela në gjykatën e Helsinkit dhjetorin e kaluar.