Kandidati nga radhët e Partisë Demokratike të Kosovës (PDK) për kryeministër, Bedri Hamza ka njoftuar se së bashku me ambasadorin gjerman në Kosovë, Jörn Rohde, kanë shikuar ndeshjen mes Trepçës dhe Yllit, sonte në sallën “Minatori” në Mitrovicë.
Hamza ka thënë se kjo ishte një paraqitje “e shkëlqyeshme” e të dy ekipeve, duke e cilësuar si “spektakël i mrekullueshëm”.
“Kampioni, që besoj shumë se do të jetë ekipi im i zemrës, më pas e meriton edhe një ndeshje miqësore me ekipin favorit të ambasadorit Rohde në Gjermani”, ka thënë Hamza.
Ai është shprehur optimist se ditë shumë më të mira do të vijnë për të gjithë sportistët tanë.
Ndryshe, sot Trepça ka arritur ta mposhtë ekipin e Golden Eagle Ylli me rezultat 85:78 në ndeshjen e tretë të serisë finale të Superligës së Kosovës.
Lexo më shumë: Trepça e mposht Yllin, tashmë vetëm një fitore larg titullit
Trepçës tani i nevojitet vetëm edhe një fitore për t’u shpallur kampion.