Kryetari i AAK-së, Ramush Haradinaj, ka uruar Pashkët ortodokse këtë të diel.
“Vëllezërve dhe motrave shqiptarë ortodoksë, të gjithë bashkëqytetarëve të Kosovës dhe miqve ndërkombëtarë që shërbejnë në vendin tonë, që festojnë sipas kalendarit julian, për shumë mote Pashkët!”, ka shkruar Haradinaj.
Kreu i AAK-së ka thënë se “kjo festë le të shërbejë si motiv shtesë për promovimin e vlerave njerëzore”.
“Kjo festë le të shërbejë si motiv shtesë për promovimin e vlerave njerëzore dhe për të rritur unitetin dhe respektin ndaj njëri-tjetrit”, ka thënë Haradinaj.
Besimtarët ortodoksë në të gjithë botën kremtojnë sot ngjalljen e Jezu Krishtit në meshën e pashkëve, tre ditë pas vdekjes së tij në kryq, kjo është një nga kremtimet më të mëdha të ortodoksëve.