Hoxha fton Kurtin, Nagavcin e Muratin të ulen e të bëjnë një zgjidhje për grevat

Deputetja nga radhët e PDK-së, Eliza Hoxha, ka ftuar qeverinë e Kosovës, përkatësisht kryeministrin Kurti me ministrat Nagavci e Murati që të ulen gjatë vikendit të gjejnë një zgjidhje konkrete për grevat, në mënyrë që mësimi të fillojë të hënën

Deputetja e PDK-së, Eliza Hoxha në një konferencë për media





Deputetja e Partisë Demokratike të Kosovës (PDK), Eliza Hoxha, njëherësh anëtare e Komisionit për Arsim, ka thënë se përkundër takimeve dhe diskutimeve në këtë komision ende nuk është gjetur ndonjë zgjidhje për grevat.

Ajo ka fajësuar Qeverinë e Kosovës për mungesë të vullnetit për zgjidhje në favor të të dyja palëve.

“Sesioni vjeshtor në Kuvend filloi me debatin për greva, as rezoluta e këtij debati e cila thërret Qeverinë e  Kosovës dhe SBAShK-un që të gjejnë zgjidhje nuk u realizua”.

Sipas Hoxhës, në mungesë të këtij dialogu social tashmë mbi 300 mijë fëmijë kanë mbetur jashtë shkollës.

“Kjo qeveri nuk po shqetësohet fare për këta fëmijë që nuk shkojnë në shkolla, e gjitha që kemi parë është përbuzje e dinjitetit të mësimdhënësve”.

Për Hoxhën, kjo lloj gjuhe dhe qasje nuk mund të jetë në funksion të gjetjes së zgjidhjes.

Ajo ka ftuar kryeministrin e Kosovës, Albin Kurti, ministren e Arsimit, Arbërie Nagavci dhe ministrin e Financave, Hekuran Murati që të ulen me urgjencë gjatë vikendit dhe të gjejnë zgjidhje për grevat në mënyrë që mësimi të fillojë të hënën.

“SBAShK-u ka shprehur gatishmëri të ulet dhe të gjejë një zgjidhje të përafërt duke u larguar nga kërkesa për 100 euro, por Qeveria nuk po bën kompromis”.

Hoxha ka theksuar se nuk është në të mirën e fëmijëve dhe as të mësimdhënësve që kjo çështje të përfundojë pa epilog.

Ndërkaq, të premten e 23 shtatorit, në vazhdën e diskutimeve për grevat, SBAShK-u i ka adresuar Qeverisë kërkesat e kësaj sindikate për të arritur te një zgjidhje konkrete.

Rritja e pagës për 10.45 për qind, plotësim-ndryshimi i ligjit për skemat pensionale dhe plotësim-ndryshimi i ligjit të sigurimeve shëndetësore ishin tri kërkesat e kësaj sindikate.

SBAShK-u adreson kërkesat drejt Qeverisë, Gola propozon forma të reja të grevës





Shija e redaktorit

Kosova fiton ndaj Qipros, siguron vendin në Ligën C

Kosova ka shënuar fitore ndaj Qipros me rezultat 5 me 1 në Stadiumin “Fadil Vokrri” në Prishtinë në kuadër të Grupit 2 në Ligën...

A rrezikon Kosova të ngelet pa punëtorë?

Problemi i ikjes së punëtorëve nuk haset vetëm te personeli mjekësor, por shqetësuese është edhe ikja e fuqisë punëtore të profileve të ndryshme në...

Sa gjenerata duhet të kalojnë që të arrihet marrëveshja në...

“Duhet që dy gjenerata të kalojnë, një veç se ka kaluar”. Kështu kishte deklaruar ish i emëruari i Organizatës së Kombeve të Bashkuara(OKB) si Administrator...

Më të lexuarat

Azemi: Kurti është kryeministër i imi, kurrë nuk kam për...

Kryetari i Sindikatës së Pavarur të Sektorit Privat, Jusuf Azemi ka thënë se një herë të vetme nuk është ftuar një përfaqësues nga sektori...

Mehaj: Oficeri Luan Haradinaj ka diplomuar në SHBA për Inteligjencë...

  Ministri i Mbrojtjes, Armend Mehaj, ka njoftuar se Ushtrisë së Kosovës(FSK), i është shtuar dhe një Oficer i diplomuar në Military Intelligence Basic Officer...

Mushkolaj: Pezullimi i grevës nga SBAShK-u, vetëm zgjidhje për të...

Analisti Imer Mushkolaj sa i përket paralajmërimeve të SBAShK-ut për pezullim të grevës dhe që mësimi pritet të fillojë më tre tetor, ka thënë...

Të fundit nga rubrika