Ish-zëvendësministri i Arsimit, Nehat Mustafa, ka reaguar në lidhje me vendimin e MASHTI-it për çështjen e sigurimit të librave për nxënësit e shkollës fillore.
Ai ka thënë se ka dyshime lidhur me këtë subvencionim që do të bëhet, meqë sipas tij, ministria ka rritur dy herë buxhetin e alokuar.
Sipas Mustafës, MASHTI kishe alokuar për këtë tender 4.3 milionë euro, derisa sipas shifrave që ka prezantuar ministrja Nagavci, do të tejkalohet buxheti prej 9 milionë eurosh.
Mustafa ka ftuar Komisionet Parlamentare dhe Prokurorinë e shtetit që ta përcjellin me vëmendje këtë çështje, meqë ka rritje të shpenzimeve për tekset shkollore më shumë se dy herë nga buxheti i alokuar.
“Komisionet Parlamentare dhe Prokuroria e shtetit duhet ta përcjellin me vëmendje këtë çështje, sepse kemi rrithje të shpenzimeve pêr tekstet shkollore për më shumë se dy herë nga buxheti i alokuar “, ka shkruar Mustafa.