Italianët takohen me Cholletin para udhëtimit për në Prishtinë e Beograd

E premtja e 20 janarit pritet të jetë dinamike, pasi pesë ndërkombëtar do të vijnë në Prishtinë e Beograd për të takuar krerët e shtetit përfshirë këtu edhe këshilltarin italian. Megjithatë, të mërkurën para kësaj vizite, këshilltari italian është takuar me atë amerikan Derek Chollet, të cilët kanë biseduar për qëllimet e përbashkëta rreth paqes dhe stabilitetit në Ballkanin Perëndimor dhe Mesdheun e madh

Fotoilustruese

Italia është një prej vendeve që është përfshirë në përpjekjen e BE-së për të çuar dialogun Kosovë-Serbi përpara edhe me një hap më konkretë.

Të premtën dyshes së këshilltarëve nga Gjermania e Franca, është thënë se do t’i bashkohet edhe një këshilltar nga Italia, këshilltar këta të cilët pritet të vijnë në Prishtinë dhe në Beograd bashkë me emisarët Lajçak, Escobar, Macron e Scholz.

Pak para këtij udhëtimi, këshilltari i lartë amerikan, Derek Chollet, është takuar me këshilltarin e kryeministres së Italisë, Francesco M. Talo, për të diskutuar rreth paqes dhe stabilitetit në Ballkanin Perëndimor.

Një gjë e tillë u bë e ditur nga një postim i realizuar në Tëitter nga Chollet, i cili ka treguar se me këshilltarin italian diskutuan për qëllimet e përbashkëta që të ketë paqe dhe stabilitet në Ballkan Perëndimor dhe Mesdheun e madh.

“I kënaqur që takova këshilltarin diplomatik të kryeministres së Italisë, Francesco M. Talo. Ne diskutuam për qëllimet e përbashkëta për paqe dhe stabilitetit në Ballkanin Perëndimor dhe në Mesdheun e madh”, ka shkruar Chollet në Twitter.

Ndryshe, këtë të premte pritet që pesë përfaqësues të lartë nga BE-ja dhe ShBA-ja të vijnë për vizitë në Prishtinë dhe në Beograd, e që lidhur me këtë zëdhënësi i BE-së, Peter Stano, ka dhënë detaje në një konferencë të mbajtur sot për media.

“Vizitat e përfaqësuesve tanë njoftohen nga institucionet e BE-së. Vërtet emisari Lajçak do të udhëtojë këtë javë në rajon, që është në kuadër të tentimeve për ta avancuar dialogun e lehtësuar nga BE-ja. Lajçaku do ta vizitojë Kosovën e Serbinë këtë të premte”, ka thënë Stano.

Ndërsa,  ka theksuar se në Prishtinë do të takohen me kryeministrin Albin Kurti e në Beograd me presidentin Aleksandar Vuçiq, me të cilët, do të diskutohen hapat e ardhshëm në normalizimin të marrëdhënieve mes Kosovës e Serbisë.

“Në këtë vizitë, emisari Lajçak do të përcillet nga këshilltarët për politikë të jashtme të presidentit të Francës, kancelarit të Gjermanisë dhe kryeministrit të Italisë, si dhe nga zv. sekretari amerikan, Gabriel Escobar”, ka deklaruar ai.

Kosova pritet të vizitohet nga pesë diplomatë të fuqishëm ndërkombëtarë

Shija e redaktorit

Libraria “Dukagjini” fiton çmimin FIDES 2022 për kontributin korporativ

Libraria "Dukagjini" ka marrë të mërkurën e 18 janarit çmimin FIDES 2022 për kontribut korporativ. Ky çmim librarisë "Dukagjini", ju dha për kontributin e vazhdushëm...

Libraria Dukagjini vjen me “BookFest” në Albi Mall

Libraria “Dukagjini” dhe “Albi Mall” kanë bashkuar forcat për një superfestë të librit, me shumë aktivitete e superatmosferë. Për dhjetë ditë me BookFest-in e librarisë...

Arti dhe kultura janë letërnjoftim nacional

Selman Jusufi, i cili ka studiuar Artin dramatik në Universitetin e Prishtinës, nga viti 1973 deri më 1985, ka qenë i angazhuar në Teatrin...

Më të lexuarat

Lajçak ‘befason” thotë se me Kurtin kanë rënë dakord që...

I dërguari i posaçëm i Bashkimit Evropian për dialogun Miroslav Lajçak, ka njoftuar nëpërmjet rrjetit të tij social se është në Kosovë, për të...

Gjendet pa shenja jete një person në Gjakovë

Policia e Kosovës ka njoftuar se është gjetur një person pa shenja jete në shtëpinë e tij në Gjakovë. Në raportin 24-orësh thuhet se njësitë...

Barrikadat, KFOR-i paralajmëron ndërhyrje nëse ato nuk largohen

Efikasiteti i këtyre mjeteve të rënda të KFOR-it është testuar hiç më larg se dy ditë më parë. Ushtrimet e 19 dhjetorit i kanë mundësuar...

Të fundit nga rubrika