Një këmbësor ka humbur jetën pasi u godit nga një veturë në magjistralen Prishtinë-Mitrovicë, përkatësisht në fshatin Mazgit.
Lajmin për Portalin Dukagjini, e ka konfirmuar zëdhënësi i Policisë për rajonin e Prishtinës, Agron Borovci.
“Rreth orës 17:00, është pranuar informata për një aksident trafiku rrugor të ndodhur në rrugën magjistrale Prishtinë-Mitrovicë, respektivisht në fshatin Mazgit, me ç’rast një veturë ka përplasur një këmbësor. Si pasojë e aksidentit, këmbësori ka humbur jetën”, ka thënë Borovci.
Bëhet e ditur se Njësia Rajonale e Policisë së Trafikut ka dalë në vendin e ngjarjes, ku po ndërmerr veprimet e nevojshme për ndriçimin e shkaqeve që kanë sjellë deri tek aksidenti.